“PLC fir MathemaTIC” implementéiert eng nei Approche doduerch datt de Programm ausschliisslech online ugebuede gëtt. Dir kënnt Iech, jidder Zäit an no Ärem eegene Rhythmus, mat Äre KollegInnen an Ärer Schoul treffen an als Grupp un de Sessiounen deelhuelen.

Et geet dorëms mat der ganzer Équipe erauszefannen, wéi duerch dës gemeinsam Projeten eng gréisser Satisfaktioun an Äre professionellen Aktivitéite ka fonnt ginn. Dofir verfollege mir Är Participatioun mat Hëllef vun engem Fuerschungsprojet a versichen, Iech all d’Informatiounen an all Hëllef zur Verfügung ze stellen.

“PLC fir MathemaTIC” as en innovative Projet a gouf vum SCRIPT an Zesummenaarbecht mat der MathemaTIC Équipe an dem LISER entwéckelt. De Programm bréngt Theme wéi Fuerschung, trategië-Entwécklung an innovativ Praxis zesummen. “PLC fir MathemaTIC” gëtt vum IFEN ugebueden a gouf mat der Ënnerstëtzung vum Service DPAV vum SCRIPT entwéckelt.

Am Programm gi Fuerschung, Strategië-Entwécklung an innovativ Praxis ugeschnidden. D’Resultater vun dëser Recherche sollen de Responsabele fir d'Schoulentwécklung hëllefen ze verstoen, wéi se d’Enseignanten am beschten ënnerstëtzen an Innovatiounen an de Schoulen ëmsetze kennen. Des weidere probéieren d’Entwéckler esou och ze verstoen, ob d’Uwennung vun digitalen Tools a Materialien dat gemeinsamt Schaffen a Léieren an de Schoule fërdert.

Objektiver:

• Léier- a berufflech Entwécklungsziler fir sech selwer a fir d’Équipe identifizéieren
• Praktizéieren, wéi een eng gemeinsam Zilsetzung fir seng Équipe formuléiert
• Bestëmme vun engem gemeinsamen Zil dat an dëser Formatiounsperiod als Grupp erreecht soll ginn

Inhalt:

• Prinzipien a Wëssen wéi e gemeinsamt Zil fir dëse Léiergrupp identifizéiert a festgeluecht gëtt
• MathemaTIC bewosst komplementär zum Unterrecht asetzen mam Beispill vum Flächeninhalt (C4) a vum Zahlenstrahl (C3)
• Praktesch Applikatiounen zur Gruppendynamik fir d’Zesummesetzung vun Ärer Grupp besser ze verstoen

Ugëeegent Kompetenzen:

• Wéi een säin individuellt Léier- a professionellt Entwécklungszil zum Ausdrock bréngt
• Wéi ee bäi der Formulatioun vun enger gemeinsamer Zilsetzung fir säi Léiergrupp diskutéiert an négociéiert
• Wéi een seng Kompetenze beim Benotze vun aner Aktivitéite vum Grupp asetzt

Objektiver:

• Säi perséinlecht Verständnis vu Responsabilitéit fir d’Léierverhale vun de SchülerInnen identifizéieren
• Als Grupp diskutéieren a festleeën, wat déi kollektiv Responsabilitéit fir d’Léierverhale vun de SchülerInne soll sinn
• Verstoen, wéi een Donnéeën iwwer d’Léierverhale vun de SchülerInne benotzt fir seng professionell Praxis ze verbesseren

Inhalt:

• Videomaterial an interaktiv Sessiounen iwwer d’kollektiv Responsabilitéit fir d’Léierverhale vu SchülerInnen
• Praktesch Applicatiounen iwwer d’Verbesserung vum Léierverhale vun de SchülerInnen (z.B. Mat MathemaTIC differenzéieren z.B. mam Modul “Raum, Form und Maße (C3))
• Strategië fir Gruppekonflikter ze geréieren, passend zu Ärer Gruppenzesummesetzung.

Ugëeegent Kompetenzen:

• Wéi déi kollektiv Responsabilitéit fir d’Léierverhale vun de SchülerInnen als Grupp formuléiert gëtt
• Wéi een d’Donnéeën iwwer d’Léierverhale vun de SchülerInne benotzt fir säi Léierprozess a seng professionell Praxis unzepassen
• Wéi een d’Donnéeën (z.B. MathemaTIC-Donnéeën) a senger Klass benotzt fir d’Léierverhale vun de SchülerInnen ze ënnerstëtzen

Objektiver:

• Léiere wéi een seng eege professionell Praxis verbessert andeems een d’Methode vun anere Leit observéiert
• Übe wéi een e Feedback iwwer spezifesch Léiermethode gëtt
• De Wäert vum Léierprozess verstoen andeems een aner Léiermethoden a senger Schoul observéiert (MathemaTIC)

Inhalt:

• Observéiere vun de Léiermethode vun de KollegInnen oder vu Material, dat vun de d’Formateuren/tricen zur Verfügung gestallt gëtt (z.B. beim Asetze vu Methode wéi “flipped classroom” a “projektorientéiertem Unterrecht” mat MathemaTIC)
• Individuelle Feedback a Feedback als Grupp iwwer déi virgestallte Léiermethode ginn
• Selektionéiere vun deenen als Beispill presentéierte Léiermethoden, déi ee selwer a senger Klass kéint ausprobéieren (MathemaTIC)

Ugëeegent Kompetenzen:

• Wéi e seng eege Léiermethode verbessert, andeems een aner Léiermethoden observéiert
• Wéi een e konstruktive Feedback iwwer Léiermethode gëtt
• Wéi een déi observéiert Léiermethoden als Grupp an engem vertrauens- a respektvollem Ëmfeld diskutéiert (MathemaTIC)

Objektiver:

• Üben, wéi een als Grupp konkret Léieraktivitéiten entwéckelt
• Zesummen eng Method entwerfen, déi am alldeeglechen Unterrecht an der eegener Klass implementéiert kéint ginn
• Entwéckele vun enger Aktivitéit als Grupp, als Äntwert op en dréngend Bedierfnes an Ärer Schoul (z.B. d’Benotze vum MathemaTIC)

Inhalt:

• Gemeinschaftlecht Benotze vun de Dokumenten, déi vun de Formateuren/tricen zur Verfügung gestallt ginn, fir eng konkret Aktivitéit fir déi eege Klass ze entwerfen (z.B. MathemaTIC notzen als “Hausaufgab”, souwuel als Nobereedung, wéi och als Virbereedung op en neit Thema)
• Praktesch Zesummenaarbecht fir konkret Unterrechtspläng auszeschaffen
• Exploréiere vu verschiddene Methode fir als Grupp zesummen ze schaffen (z.B. World Café, Sketchnote) fir kollaborativ Aktivitéiten z’entwéckelen.

Ugëeegent Kompetenzen:

• Wéi een aktiv zesumme schafft fir Léieraktivitéieten ze entwerfen, déi de Léierbedierfnesser vun de SchülerInne gerecht ginn
• Wéi ee kollektiv Unterrechtsprogrammer an Aktivitéiten développéiert
• Wéi een zesummeschafft fir konkret uwennbar Resultater z’erzilen

Objektiver:

• Als Grupp üben, wéi ee seng individuell professionell Reflexiounen iwwer den Unterrecht an de Léierprozesser mat aneren deelt
• Léieren, wéi een e konstruktiven Dialog ronderëm d’Reflexiounen an de Léiermethode féiert
• Reflektéierten Dialog am Gruppiwwer dat gemeinsamt Zil vun dëser Formatioun

Inhalt:

• D’Methoden an d’Material vun dëser Formatioun benotze fir e reflektéierten Dialog am Grupp ze féieren
• Seng eege professionell Reflexiounen iwwer de Prozess an d’Resultater vun der Formatioun deelen (z.B. MathemaTIV “kreativ” asetzen z.B. am Geographie- oder Konschtunterrecht)
• Reflektéierten Dialog am Grupp iwwer gemeinsam Methoden an zukënfteg Applicatiounen

Kompetenzen:

• Wéi een seng eege professionell Reflexiounen iwwer d’Method mat sengem Grupp deelt
• Wéi een e konstruktive reflektéierten Dialog ronderëm den Enseignement an de Léierprozess féiert
• Wéi ee reflektéiert an sech austauscht iwwer dat wat d’Verbessere vum Léierverhale vun de SchülerInnen erméiglecht